Ebola epidemiyasının yayılması sona çatıb

Dünya Səhiyyə Təşkilatı, Konqo Demokratik Respublikasında Ebola epidemiyasının yayılmasının sona çatdığını bildirib.
Ölkədə, Ebola virusunun özünü biruzə vermə müddətindən iki dəfə çox, yəni 42 gün ərzində heç kim xəstəliyə yoluxmayıb. Bu virusdan Konqo Demokratik Respublikasında 49 nəfər həyatını itirib.
Malidə isə daha 6 nəfər virusa yoluxaraq həyatını itirib. Ölənlərlə təmasda olan 327 nəfər isə müşahidə altına alınıb.
Paytaxt Bamakoda, Qvineyadan gələn xəstəni müayinə edən və virusa yoluxaraq ölən həkimin isə karantina alınan 300 nəfərdən biri olduğu bildirilir.
Bu arada, Afrika İttifaqı isə Ebolaya qarşı səfərbərlik çağırışı edib.
Açıqlamada Ebolanın regional deyil, qlobal bir problem olduğu qeyd edilib.
Xatırladaq ki, hələ də müalicəsi və peyvəndi tapılmayan Ebola virusu 5 min 400 nəfərin həyatına son qoyub.