İsrailin Qəzzaya intensiv hücumları davam edir

İsrailin oktyabrın 7-dən bəri mühasirə altında olan Qəzza zolağına təşkil etdiyi hücumlarda həlak olan fələstinlilərin sayı son 24 saatda 162 nəfər artaraq 22 600 nəfərə çatıb.
Qəzzadakı Səhiyyə Nazirliyindən verilən yazılı açıqlamada İsrailin Qəzza zolağına 91 gündür davam edən hücumları ilə bağlı məlumat verilib.
Açıqlamada İsrailin Qəzza zolağına etdiyi hücumlarda son 24 saatda 162 fələstinlini öldürdüyü, 296 nəfərin yaraladığı bildirilib.
Açıqlamada həmçinin İsrail qüvvələrinin son 24 saatda ailələrə qarşı 15  hücum həyata keçirdiyi, İsrailin 7 oktyabrdan bəri Qəzza zolağına təşkil etdiyi hücumlarda həyatını itirən fələstinlilərin sayının 22 600-ə, yaralıların sayının isə 57  910-a yüksəldiyi qeyd olunub.