Rusiya Müdafiә Nazirliyi mәlumat yayıb

Rusiya Müdafiə Nazirliyi Ukraynanın 20 pilotsuz uçuş aparatı (PUA) ilə Krım yarımadasına hücum etməyə cəhd etdiyini bildirib.

Nazirlikdən verilən bəyanatda deyilir: “Bu gecə Kiyev rejiminin Krım yarımadası ərazisindəki obyektlərə 20 PUA ilə hücum cəhdinin qarşısı alınıb”.

Bəyanatda 14 PUA-nın Rusiya hava hücumundan müdafiə sistemləri tərəfindən, 6 PUA-nın isə elektron döyüş maşını ilə vurulduğu bildirilib.

Bəyanatda həmçinin bu ifadələrə yer verilib:“Qarşısı alınan terror aktları nəticəsində insan tələfatı və dağıntı olmayıb”.

Krım 2014-cü ildə Rusiya tərəfindən ilhaq edilib.

2022-ci ilin 24 fevral tarixində Rusiya prezidenti Vladimir Putin Ukraynanı işğal etmək əmrini verdi və bununla da Rusiya-Ukrayna müharibəsi başladı.