İtaliyada Meloninin yeni hökuməti təsdiqləndi

İtaliyada sentyabrın 25-də keçirilən seçkilərdə qalib gələn Ciorcia Meloninin başçılıq etdiyi sağçı ittifaqın yaratdığı koalisiya hökuməti parlamentdən etimad səsi almaq tələbinin ikinci mərhələsini də yerinə yetirib.

Parlamentin yuxarı palatası olan Senatın Baş Assambleyasında hökumət proqramını təqdim edən Meloni iqtidar və müxalifətdən olan senatorların proqramla bağlı təklif və tənqidlərini cavablandırıb.

Ümumi müzakirələrdən sonra Senatın Baş Assambleyasında etimad səsverməsi keçirilib.

200 yerlik Senatda keçirilən etimad səsverməsində 199 senator iştirak edib. 115 senator qərarın lehinə, 79 senator əleyhinə səs verib, 5 senator bitərəf qalıb.

Bu nəticə ilə oktyabrın 26-da Nümayəndələr Palatasından, bu gün isə Senatdan etimad səsi alan Meloninin başçılıq etdiyi sağçı koalisiya hökuməti parlamentin hər iki palatasında çoxluğunu sübut etdi və seçkilərin önündə heç bir maneə qalmadı.