Nikaraqua Rusiya qoşunlarına fəaliyyət göstərməyə icazə verib

Nikaraquada Rusiya qoşunlarına, qırıcılarına və gəmilərinə təlim və ya fövqəladə hallara cavab vermək üçün fəaliyyət göstərməyə icazə verilib.

İyunun 9-da ölkədə təsdiq edilmiş qərarnaməyə əsasən, Prezident Daniel Orteqa fövqəladə və ya təbii fəlakətlər zamanı Rusiya qoşunlarına, gəmilərinə və təyyarələrinə ölkəsində humanitar, xilasetmə və axtarış missiyalarını yerinə yetirməyə icazə verəcək.

Hökumət həmçinin təlim və təcrübə mübadiləsi məqsədilə ölkədə kiçik ölçülü Rusiya qoşunlarının olmasını da təsdiqləyib.

Rusiya Xarici İşlər Nazirliyinin sözçüsü Mariya Zaxarova "Sputnik" Rusiya mətbuatına açıqlamasında sözügedən vəziyyətin “adi” olduğunu deyib.