“Megi” qasırğası nəticəsində ölənlərin sayı artıb
Filippində “Megi” qasırğası nəticəsində baş verən daşqınlar və torpaq sürüşmələrində həyatını itirənlərin sayı 172-yə yüksəlib.
1813727
“Inquirer News” Filippin Milli Fəlakət Riskinin Azaldılması və İdarəetmə Şurasının (NDRRMC) məlumatına istinadən xəbər verir ki, “Megi” qasırğası aprelin 10-da quruya çıxıb. Filippində "Aqaton" olaraq da bilinən “Meqi” qasırğasının səbəb olduğu daşqın və torpaq sürüşmələrindən ən çox zərər görən bölgə Visayas adaları olub. Şərqi Visayada 156, Qərbi Visayada 11, Davaoda 3 və Mərkəzi Visayada 2 nəfər daşqın və torpaq sürüşməsi nəticəsində həyatını itirib. Cəmdə 172 nəfərin öldüyü təbii fəlakət nəticəsində 8 nəfər də xəsarət alıb. 110 nəfər itkin düşüb. Ərazidə axtarış-xilasetmə işləri davam edir.
