Haitidə güclü yağış nəticəsində evlər su altında qalıb

Haitidə güclü yağış nəticəsində ən azı 3 ev dağılıb, 2600-ə yaxın ev su altında qalıb.

Rəsmilərin bildirdiyinə görə, ölkədə təsirli olan güclü yağış 2600-ə yaxın ailəni müvəqqəti sığınacaq axtarmağa məcbur edib.

Ölkənin Mülki Müdafiə Agentliyi soyuq havanın Haitinin şimal və cənub hissələrində təsirli olduğunu, güclü küləyin bəzi ərazilərdə ağacları kökündən çıxardığını bildirib.

Ölkədə yağan güclü yağış nəticəsində bir elektrik stansiyası da su altında qalıb, körpünün uçması səbəbindən bölgədəki yaşayış məntəqəsinə gediş-gəliş dayandırılıb.