İsrail ordusunun Qәzzaya hücumu nәticәsindә hәlak olanların sayı 11 nәfәrә çatıb

İsrail ordusunun mühasirә altındakı Qәzza zolağının şimalına tәşkil etdiyi hava hücumu nәticәsindә hәlak olanların sayı 11 nәfәrә çatıb.

Bu barәdә Qәzzadakı Sәhiyyә Nazirliyindәn verilәn mәlumatda bildirilib. Mәlumatda qeyd olunub ki, Qәzza zolağının Deyr Belah bölgәsindә bir nәfәrin dә hәlak olması ilә hәlak olanların sayı 11 nәfәrә yüksәlib. Mәlumatda hәmçinin bildirilib ki, İsrailin hava hücumları nәticәsindә 45 nәfәr dә xәsarәt alıb.

Qәzzadakı Sәhiyyә Nazirliyindәn dünәn verilәn açıqlamada İsrail ordusu tәrәfindәn tәşkil edilәn hava hücumu nәticәsindә hәlak olan 10 fәlәstinlinin  cәnazәsi ilә yaralananların Qәzzadakı İndoneziya Xәstәxanasına çatdırıldığı qeyd olunmuşdu.

Digәr tәrәfdәn İsrail ordusundan verilәn açıqlamada isә hücum zamanı İslami Cihad hәrәkatının Qәzzadakı üzvlәrinin hәdәf alındığı bildirilib.

Açıqlamada hәmçinin İslami Cihad hәrәkatının hәrbi qanadı olan Qüds Sәriyyәlәrinin komandanı Baha Ebul Atanın olduğu evә hücum tәşkil edildiyi, hücum nәticәsindә Ebul Ata vә hәyat yoldaşı Esma Ebul Atanın öldürüldüyü bildirilmişdi.