Qәzzada törәdilәn partlayışda hәlak olanların sayı 3 nәfәrә çatıb
Qәzzanın qәrbindәki iki ayrı polis mәntәqәsindә baş verәn partlayış nәticәsindә şәhid olan polis sayı 3-ә yüksәlib.
Qәzzanın qәrbindәki iki ayrı polis mәntәqәsindә baş verәn partlayış nәticәsindә şәhid olan polis sayı 3-ә yüksәlib.
Daxili İşlәr Nazirliyindәn verilәn mәlumata görә, partlayış nәticәsindә Saleme Macid en-Nedim, Vail Musa Məhəmməd Xəlifə ilə Ala Ziyad el-Garabili adlı polislərin şəhid olduğu, 3 polisin də yaralandığı bildirilib.
Nazirlikdәn bildirilib ki, bu cinayәti törәdәnlәrin adları yaxın zamanda açıqlanacaq. Mәlumatda hәmçinin bu cinayәti törәdәnlәrin mühakimә olunacağı qeyd olunub.
Açıqlamada İsrail ilə onun casuslarının Qəzzadakı sabitliyә zərbə vurmağa çalışdığı və bunun üçün müxtəlif yollara əl atdığı qeyd olunub.
Açıqlamada hәmçinin qeyd olunub ki, təhlükəsizlik qüvvələri bu istiqamətdəkı bir çox planın qarşısını alıb.
Daxili İşlər Nazirliyi bütün Fələstin xalqını və fələstinli qrupları bu aktı törədənləri pisləməyə çağırıb.
Qeyd edәk ki, daha əvvəl verilәn açıqlamada partlayışlarda 2 fələstinlinin şəhid olduğu, 1-i ağır olmaqla çox sayda adamın da yaralandığı bildirilmişdi.