Səudiyyə Ərəbistanı husilərə məxsus PUA-nı düşürdü
Səudiyyə Ərəbistanı Husilər tərəfindən göndərilən pilotsuz uçuş aparatının (PUA) Asir bölgəsində Hamis Muşayt şəhərində düşürüldüyünü açıqladı.
Səudiyyə Ərəbistanı husilər tərəfindən göndərilən pilotsuz uçuş aparatının (PUA) Asir bölgəsində Hamis Muşayt şəhərində düşürüldüyünü açıqladı.
Səudiyyə Ərəbistanı xəbər agentliyi “SPA”-nın məlumatına görə, PUA ölkənin cənub-qərbində yerləşən Asir bölgəsindəki Hamis Muşayt şəhərində səhrada düşürülüb.
Husilər son vaxtlarda PUA-lara hücumları ilə Səudiyyə Ərəbistanı üçün ciddi təhdid olmağa başlayıb. Keçən həftə husilər tərəfindən yayılan bəyanatda Cizan hava limanının Yəməndən göndərilən PUA-lar tərəfindən vurulduğu bildirilmişdi.
Qeyd edək ki, husilər 2014-cü ildən etibarən Yəmənin paytaxtı Sana ilə bəzi bölgələrə nəzarət edir. Səudiyyə Ərəbistanının başçılığındakı koalisiya qüvvələri isə 2015-ci ilin mart ayından etibarən husilərə qarşı Yəmən hökumətini dəstəkləyir.
