Çindә baş vermiş zәlzәlә nәticәsindә hәlak olanların sayı artıb

Çindә baş verәn zәlzәlә nәticәsindә hәlak olanların sayı 12 nәfәrә çatıb.

‘‘Şinxua’’ agentliyinin yaydığı mәlumatda qeyd olunub ki, tәbii fәlakәtin baş verdiyi bölgәyә humanitar yardım göndәrilib. Mәlumatda ölkәnin cәnub-qәrbindә yerlәşәn Siçuan әyalәtindә baş vermiş zәlzәlә nәticәsindә hәlak olanların sayı 12, xәsarәt alanların sayı isә 125 nәfәrә çatdığı bildirilib.

Xatırladaq ki, dünәn Çinin Siçuan әyalәtindә 6 bal gücündә zәlzәlә qeydә alınmışdı.

Amerika Birlәşmiş Ştatlarının Geoloji Xidmәti isә zәlzәlәnin 5,9 bal gücündә olduğunu açıqlamışdı.

Bölgәdә axtarış-xilasetmә әmәliyyatlarının davam etdirildiyi bildirilir.