Hollandiyada YPG/PKK terrorçusu nəzarətə götürüldü
Hollandiya prokurorluğu separatçı terror təşkilatı YPG/PKK-nın üzvünü nəzarətə götürdü.
![Hollandiyada YPG/PKK terrorçusu nəzarətə götürüldü](http://cdn.trt.net.tr/images/xlarge/rectangle/d2a0/03c3/0694/5ca4692d02ea8.jpeg?time=1718880978)
Hollandiya prokurorluğu separatçı terror təşkilatı YPG/PKK-nın üzvünü nəzarətə götürdü.
Prokurorluq bununla bağlı məlumat yaydı.
Məlumatda YPG/PKK üzvü olan 24 yaşlı terrorçunun Suriyada silahlı mübarizədə iştirak etdiyi, bu səbəbdən də keçən həftə Amsterdam Sxipxol (Schiphol) Hava Limanında nəzarətə götürüldüyü bildirilir. Terrorçunun 2016-cı ilin dekabr ayında Fransadan Suriyaya keçdiyi, Hollandiyanın Haaqa şəhərində yaşadığı və bir müddətdir ki, təqib edildiyi qeyd edilir.
Prokurorluğun məlumatında terror təşkilatının üzvünün Hollandiyada 22 sentyabr 2017-ci il tarixində yayımlanan televiziya proqramı "Eenvandaag"a Suriyada olduğu zaman üzü örtülü şəkildə müsahibə verdiyi, müsahibədə Suriyanın Rakka şəhərində YPG/PKK tərəfində DEAŞ-a qarşı mübarizə etdiyini söylədiyi ifadə olunur.
Məlumata görə, bir ay əvvəl Hollandiyaya qayıdan terroçu barəsindəki nəzarət qərarı iki həftəyə qədər uzadılıb.