Yens Stoltenberq açıqlama verdi
NATO-nun baş katibi Yens Stoltenberq Türkiyә vә Amerika Birlәşmiş Ştatlarının Suriyanın şimalında әmәkdaşlıq etmәsini mәmnuniyyәtlә qarşıladıqlarını deyib.
NATO-nun baş katibi Yens Stoltenberq Türkiyә vә Amerika Birlәşmiş Ştatlarının Suriyanın şimalında әmәkdaşlıq etmәsini mәmnuniyyәtlә qarşıladıqlarını deyib.
Yens Stoltenberq Belçikanın paytaxtı Brüsseldә sabah keçirilәcәk NATO-nun müdafiә nazirlәri sәviyyәsindәki iclasından әvvәl keçirdiyi mәtbuat konfransında Türkiyәnin cәnubda terrorla mübarizә mәsәlәsindә önәmli müttәfiq olduğunu bildirib.
‘‘Türkiyә vә ABŞ-ın Suriyanın şimalında әmәkdaşlıq etmәsini mәmnuniyyәtlә qarşılayıram. ABŞ vә Türkiyәnin NATO toplantıları çәrçivәsindә keçirdiyi ikitәrәfli görüşlәrdә Suriya mәsәlәsini müzakirә etdiklәrini görürük. Bunu sabah keçirilәcәk toplantı çәrçivәsindә dә etmәlәrini istәyirik’’,-deyә Yens Stoltenberq qeyd edib.
ABŞ-ın Orta Mənzilli Nüvə Müqaviləsindən birtərəfli qaydada çıxma qərarını dəstəkləyən Stoltenberq Rusiyanı müqavilənin şәrtlәrini pozmaqda günahlandırıb.
Stoltenberq bildirib ki, ABŞ-ın müqavilədən çıxmaq üçün 6 ay müddəti var. Bu Moskva üçün son şansdır. Toplantıda bu mәsәlә ilә bağlı hansı tədbirləri görə bilәcәyimizi müzakirә edәcәyik.