Beynәlxalq Amnistiya Tәşkilatı C.Xaşoqçi mәsәlәsi ilә bağlı açıqlama verib

Beynәlxalq Amnistiya Tәşkilatı Sәudiyyә Әrәbistanının jurnalist Camal Xaşoqçi cinayәti ilә bağlı apardığı istintaqın etibarlı olmadığını bildirib.

Beynәlxalq Amnistiya Tәşkilatının rәsmi ‘‘Twitter’’ sәhifәsindәn verilәn bәyanatda Sәudiyyә Әrәbistanı Prokurorluğunun Camal Xaşoqçi cinayәti ilә bağlı apardığı istintaqla bağlı açıqlamasına reaksiya göstәrilib.

‘‘Sәudiyyә Әrәbistanda insan haqlarının pozulması әnәnәvi hal alıb. Sәudiyyә Әrәbistanının jurnalist Camal Xaşoqçi cinayәti ilә bağlı apardığı istintaq etibarlı deyil. Cinayәti törәdәnlәrin mühakimә olunmaları üçün Birlәşmiş Millәtlәr Tәşkilatının istintaq aparması vacibdir’’,-deyә bәyanatda qeyd olunub.

Türkiyәnin Camal Xaşoqçi cinayәti ilә bağlı beynәlxalq istintaqın aparılması ilә әlaqәdar çağırışına toxunulan bәyanatda: ‘‘Türkiyәnin Camal Xaşoqçi cinayәti ilә bağlı çağırışını mәmnuniyyәtlә qarşıladıq. Türkiyә BMT-dәn istintaq aparmasını tәlәb etmәlidir’’ deyilib.

‘‘Sәudiyyә Әrәbistanı prokurorları  Camal Xaşoqçi cinayәti ilә bağlı apardığı istintaq çәrçivәsindә saxlanılan beş nәfәrin öldürülmәsini tәlәb edir. Hadisәnin aydınlıla qovuşdurulması vә cinayәti törәdәnlәrin mühakimә olmaları üçün etibarlı tәhqiqata ehtiyacımız var’’ deyә bәyanatda vurğulanıb.

Beynәlxalq Amnistiya Tәşkilatı BMT-nin aparacağı müstәqil istintaqın hadisәnin aydınlığa qovuşdurulması vә cinayәti törәdәnlәrin mühakimә olmaları üçün yeganә yol olduğunu bildirib.

Sәudiyyә Әrәbistanı Prokurorluğu sәudiyyәli jurnalist Camal Xaşoqçi cinayәti ilә bağlı saxlanılan beş nәfәrin edam edilmәsinin tәlәb olunduğunu açıqlamışdı.

Sәudiyyә Әrәbistanının Baş Prokurorunun sözçüsü  Şәlan әş-Şәlan  Xaşoqçinin cәsәdinin  parçalanaraq konsulluq binasından çıxarıldığını bildirmişdi.

Qeyd edәk ki, ‘‘Washington Post’’ qәzetinin müxbiri Camal Xaşoqçi 2018-ci ilin 2 oktyabr tarixindә Sәudiyyә Әrәbistanının İstanbuldakı Baş Konsulluq binasına daxil olduqdan sonra itkin düşmüşdü.