S-400 raketlərinin təslim tarixi bəlli oldu
Rusiya, Türkiyəyə S-400 raketlərinin təslim edilməsinə dair bütün problemlərin həll edildiyini heç bir maneənin qalmadığını bildirib.
873576
Rusiya prezidentinin hərbi-texniki məsələlər üzrə köməkçisi Vladimir Kojin verdiyi açıqlamaya görə “S-400” zenit-raket komplekslərinin Türkiyəyə tədarükünə dair kontrakt üzrə ödənişin bir hissəsi Rusiyanın verəcəyi kredit hesabına həyata keçiriləcək. Komplekslərin tədarükünə 2019-cu ilin sonu – 2020-ci ilin əvvəlində başlanılacağı nəzərdə tutulub. Bütün məsələlər artıq həll edilib. Yaxın günlərdə kontrakt icra mərhələsinə keçəcək. Kontrakt üzrə ödənişin bir hissəsi Türkiyə tərəfinin hesabına, qalanı isə Rusiyanın verəcəyi kredit hesabına həyata keçiriləcək.