Belçikada səhiyyə və sosial xidmət sektoru işçiləri etiraza qalxdı
Belçikada səhiyyə və sosial xidmət sektoru işçiləri daha yaxşı iş şərtləri və maaşlarını artırma tələbiylə etiraz nümayişi təşkil etdi.
744068
![Belçikada səhiyyə və sosial xidmət sektoru işçiləri etiraza qalxdı](http://cdn.trt.net.tr/images/xlarge/rectangle/d5fd/9f9d/dc26/59301eec8e33c.jpg?time=1718810464)
Müxtəlif həmkarlar ittifaqlarının çağırışı ilə paytaxt Brüsselin mərkəzindəki “Barricades” meydanında 2 minə qədər nümayişçi bir araya gəldi.
Xəstəxana, qocalar evi kimi qeyri-kommersiya təşkilatların işçiləri federal hökumətdən iş şəraitinin yaxşılaşdırması və maaşlarını artırma tələbləri etdi.
Etirazçılar üzərində "Keyfiyyətli xidmət" yazılı plakatlar daşıdı, hökumət əleyhinə şüarlar səsləndirdi. Amma təxminən 3 saat davam edən nümayiş heç bir hadisə baş vermədən sona çatdı.