Beynәlxalq alәm İstanbulda törәdilәn xain terror hücumuna  sәrt reaksiya göstәrib

Beynәlxalq alәm İstanbulda törәdilәn xain hücuma reaksiya göstәrib

ABŞ prezidenti   Barak Obama İstanbulda törәdilәn hücumu lәnәtlәyәrәk hәlak olanların  ailәlәrinә başsağlığı verib.

Ağ Ev Milli Təhlükəsizlik Şurasının sözçüsü Ned Price da  verdiyi açıqlamada : ‘‘ABŞ  İstanbulda  hәyata keçirilәn  terror hücumunu ən güclü şəkildə pisləyir" deyib. Ned Price Türkiyә ilә hәr növ terrora qarşı mübarizәdә qәrarlı olduqlarını vurğulayıb.

Kanada Xarici İşlər Naziri Stephane Dion da: "Kanada  İstanbulda  hәyata keçirilәn  hücumda həyatını itirənlәrin ailələrinə başsağlığı və yaralananlara təcili şəfalar diləyir’’ deyib.

İngiltәrәnin Xarici İşlәr naziri Boris Conson da  İstanbulda baş verən partlayışlarla bağlı bəyanat verib.

Boris Conson şәxsi ‘‘Twitter’’ sәhifәsindәn verdiyi açıqlamada bildirib ki: ‘‘İstanbulda törәdilәn  hücumu pislәyirәm. İngiltәrә terrorla mübarizәdә Türkiyәnin yanındadır’’.

Amerika-İslam Əlaqələri Şurasının rәhbәri  Nihad Awad da: ‘‘Dualarımız İstanbulda törәdilәn xain terror hücumu nәticәsindә hәlak olanların ailәlәri vә yaralananlarladır’’ deyib.

NATO-nun  Baş Katibi Jens Stoltenberq isə  sosial media hesabından verdiyi açıqlamada İstanbulda törәdilәn xain hücumu pislәyib.

Aİ-nin  xarici әlaqələr və təhlükəsizlik siyasəti üzrə Ali Nümayəndəsi Federica Mogherini verdiyi açıqlamada  törәdilәn hücumu qınayıb vә  bu cür hadisәlәrin qarşısını almaq üçün çalışmağa davam edәcәklәrini deyib.