Yəməndə toqquşmalarda 35 nəfər ölüb

Yəmənin cənubunda yerli özünümüdafiə dəstələri və Husilər arasında baş verən toqquşmalar nəticəsində 35 nəfər ölüb. Son sutka ərzində isə toqquşmalar və bombardman nəticəsində 90 nəfər həlak olub.
Çoxsaylı yaralıların olduğu bildirilir.
Xatırladaq ki, martın 25-dən 26-na keçən gecə Səudiyyə Ərəbistanının və Fars körfəzinin digər ölkələrinin daxil olduğu beynəlxalq koalisiya Yəmənin böyük hissəsinə nəzarət edən Husilərə qarşı hərbi əməliyyat keçirməyə başlayıb.