Liviyada razılıq olacağına dair ümid yaranıb

Birləşmiş Millətlər Təşkilatı iki hökumət və iki parlamentin olduğu Liviyada tərəfləri Gademiş şəhərində bir araya gətirib.
Tərəflər bayramdan sonra dialoqa başlamaq qərarına gəlib.
Əlcəzair və Tunis sərhədi yaxınındakı Gademiş şəhərində Birləşmiş Millətlər Təşkilatının nümayəndəsi Bernardino Leonun təşəbbüsü ilə dünən təşkil edilən yığıncağa İngiltərə və Maltadan da nümayəndələr qatılıb.
Görüşdə atəşkəs və böhranın həlli üçün siyasi dialoq başlanmasına dair mövzular müzakirə olunub. Atəşkəs barədə razılşamada isə hələ ciddi bir irəliləmə qeydə alınmayıb.