3 yeniyetmǝnin cǝsǝdlǝri tapılıb
İsrail televiziyası, İordan Çayının Qǝrb Sahilindǝ iyunun 12-dǝ itkin düşǝn israilli 3 yeniyetmǝnin cǝsǝdlǝrinin tapıldığını açıqlayıb.
Hadisǝ qarşısında ölkǝdǝ Mǝclisin toplantıları lǝğv edilib. Baş nazir Benyamin Netanyahunun, Nazirlǝr kabinetini növbǝdǝn kǝnar toplantıya çağırdığı bildirilib.
Gǝnclǝri oğurladığı iddia edilǝn şǝxslǝrin ǝlǝ keçirilmǝsi mǝqsǝdilǝ ǝmǝliyyat hazırlıqlarının başladığı qeyd edilib.
Gǝnclǝrin ǝn son göründüyü Əl Xǝlilin şimalında yǝrlǝşǝn Hǝlhul kǝndindǝ toqquşmalar baş verib.
ABŞ prezidenti Barack Obama hǝyatını itirǝn 3 israilli gǝncin ailǝsinǝ başsağlığı verib vǝ gǝnçlǝri hǝdǝf alan terroru qınayıb.
BMT Baş katibi Ban Ki Moon da gǝnçlǝrin öldürülmǝsini dǝhşǝtli bir hadisǝ olaraq dǝyǝrlǝndirib.
İsrail hökumǝti, 3 Yǝhudi gǝncin qaçırılmasından Hǝması mǝsul tutur.
Qeyd edǝk ki, İsrail tǝhlükǝsizlik qüvvǝlǝrinin İsrailli 3 yeniyetmǝni tapmaq üçün başlatdığı ǝmǝliyyatlarda, 17 gündǝ sabiq nazir vǝ millǝt vǝkillǝrinin dǝ aralarında olduğu 589 fǝlǝstinli hǝbs edilib.
