İranlı komandir Suriyada öldürüldü

İran İnqilab Keşikçiləri Korpusunun Suriyadakı komandirlərindən olan Razi Musəvi Dəməşq yaxınlığında İsrailin hücumu nəticəsində öldürülüb.
İsrail ordusu Suriyanın paytaxtı Dəməşq yaxınlığında raket hücumu həyata keçirib.
Hücum zamanı İran İnqilab Keşikçiləri Korpusunun Suriyadakı komandirlərindən olan Razi Musəvi həlak olub.
İsrailin hücumuna İranın reaksiyası sərt olub.
İran prezidenti İbrahim Rəisi deyib: “Bu cinayətin əvəzini mütləq ödəyəcəklər”.
İnqilab Keşikçiləri Korpusunun yaydığı açıqlamada İsrailin etdiklərinin əvəzini ödəyəcəyi bildirilib.
Qeyd edək ki, Razi Musəvi 2020-ci ildə İraqda ABŞ-ın (ABŞ) hücumu zamanı ölən iranlı general Qasım Süleymaninin yaxın dostlarındandır.
Musəvi Suriyada İnqilab Keşikçiləri Korpusunun “baş hərbi məsləhətçisi” vəzifəsini icra edirdi.