“ABŞ-da siyasi iradə çatışmır”, N.Kənani
Bu sözləri İran Xarici İşlər Nazirliyinin sözçüsü Nasser Kənani paytaxt Tehranda keçirilən mətbuat konfransında nüvə razılaşması ilə bağlı açıqlamada söyləyib
“Amerika Birləşmiş Ştatlarının 2015-ci il İran nüvə sazişinin bərpası üçün kifayət qədər siyasi iradəsi yoxdur”, bu sözləri İran Xarici İşlər Nazirliyinin sözçüsü Nasser Kənani paytaxt Tehranda keçirilən mətbuat konfransında nüvə razılaşması ilə bağlı açıqlamada söyləyib.
N.Kənani deyib: “Danışıqlar 2021-ci ilin aprelindən eniş-yoxuşlarla davam edir. Biz görüş xatirinə danışıqlar aparmırıq. İran 2015-ci il nüvə sazişini yenidən həyata keçirməyə hazırdır, lakin rəsmi Vaşinqtonda siyasi iradə çatışmır.”
Xatırladaq ki, Birləşmiş Millətlər Təşkilatı (BMT) Təhlükəsizlik Şurasının beş daimi üzvü - ABŞ, Çin, Rusiya, İngiltərə, Fransa və İran 2015-ci ildə Hərtərəfli Birgə Fəaliyyət Planı adı verilən İranın nüvə fəaliyyətilə bağlı saziş imzalamışdı. ABŞ-ın sabiq prezidenti Donald Tramp 2018-ci ildə birtərəfli qaydada sazişdən çıxdı və İran administrasiyası nüvə fəaliyyətini əvvəlki razılaşmaya qaytardı. 2021-ci ilin noyabrından ABŞ prezidenti Co Baydenin vəzifəyə başlaması ilə sazişə qayıtma işlərinə başlanıldı, layihə mətni İrana təqdim edildi, daha danışıqlar aparılır.
Әlaqәli Xәbәrlәr
Rusiya prezidenti əsgərlərin sayını artırma fərmanı verdi
V.Putinin imzaladığı və Rusiya Dövlət Hüquq İnformasiya Sistemində dərc olunan fərmana əsasən ...
İranda sərnişin avtobusu qəzaya uğrayıb, ölənlər və yaralananlar var
İranın Yəzd şəhərində sərnişin avtobusunun aşması nəticəsində 10 nəfər ölüb, 36 nəfər yaralanıb