Vinnitsaya raket hücumu nəticəsində həlak olan və yaralananların sayı
Bu barədə Ukrayna Fövqəladə Hallar Dövlət Xidməti məlumat yayıb
Ukraynanın Vinnitsa şəhərinə raket hücumu nəticəsində həlak olan dinc sakinlərin sayı 12, yaralananlar 30 olub. Bu barədə Ukrayna Fövqəladə Hallar Dövlət Xidməti məlumat yayıb.
Saat 11:50-də raketlər doqquz mərtəbəli Yubileynıy Həyat Evinin yaxınlığındakı dayanacağa düşüb, nəticəsində 25 avtomobil yanıb. Hadisə yerində 90 xilasedici çalışır.
Ukrayna Milli Polisinin açıqlamasında bildirilir ki, 3 raket şəhər mərkəzindəki ordu evinə və yaxınlıqdakı evlərə düşüb.
Zərərçəkən ərazilərdə başlayan yanğın rayon ərazisindəki dayanacağa keçib və 50-yə yaxın avtomobil yanıb. Qrupların yanğınsöndürmə və axtarış-xilasetmə işləri davam edir.
Ukrayna prezidenti Volodimir Zelenski “Telegram” hesabından hücuma reaksiya göstərərək yazıb: "Rusiya hər gün mülki əhalimizi, ukraynalı uşaqları öldürür, heç bir hərbi şey olmayan ərazilərə raketlər atır. Bu, terrorçu ölkədir".
Qeyd edək ki, Rusiyanın Ukraynanın Donetsk vilayətinə qarşı hava hücumları zamanı Slavyansk şəhəri də raketlərlə vurulub. Rusiya qüvvələrinin atdığı raketlər şəhərin Donetsk cəbhə xəttindən təxminən 20 kilometr aralıda yerləşən və intensiv toqquşmaların davam etdiyi sənaye ərazisinə də düşüb.
Bir neçə dəqiqə fasilə ilə həyata keçirilən 3 hava zərbəsi nəticəsində bir fabrikə də ciddi ziyan dəyib.
Raket hücumu nəticəsində həlak olan və xəsarət alanların sayının artacağı gözlənilir.
Әlaqәli Xәbәrlәr
Rusiya nüvə silahından istifadə təlimləri keçirəcək
Rusiya Müdafiə Nazirliyindən verilən açıqlamada bildirilir ki ...