İranda istehlak edilən təbii qazın miqdarı

İranın neft nazirinin müavini Məcid Çegini ölkəsində istehlak edilən təbii qazın miqdarının 12 Avropa ölkəsinin istehlakına bərabər olduğunu bildirib.

Çegini İran dövlət mediasına verdiyi bəyanatda təbii qaz tədarükündə 3-cü yerdə olan İranın Amerika Birləşmiş Ştatları, Rusiya və Çindən sonra bu enerjini ən çox istehlak edən ölkə olduğunu qeyd edib.

Çegini deyib:

"Ölkəmizdə istehlak edilən təbii qazın miqdarı Avropanın 12 zəngin ölkəsinə bərabərdir. Bu göstəricilər enerji və xüsusilə də təbii qaz istehlakı ilə bağlı narahatlıqlarımızın niyə artdığını ortaya qoyur".

İranda cəmi 25 milyon abonentin olduğuna diqqət çəkən Çegini gündəlik istehlak edilən təbii qaz miqdarının keçən il ilə müqayisədə 90 milyon kubmetr artaraq 480 milyon kubmetrə çatdığına diqqət çəkib.