İran ilə Roma arasında avianəqliyyat bərpa olunur

  İranın ən böyük hava yolu şirkəti olan “İran Air” Romaya birbaşa uçuşlarını bərpa edəcək. Bu barədə şirkətin ictimaiyyətlə əlaqələr üzrə rəsmisi Məsumə Əsgərzadə məlumat yayıb.

  Reyslər həftənin bazar ertəsi və cümə axşamı günləri həyata keçiriləcək.

  Qeyd edək ki, reyslərin ləğvi İrana qarşı sanksiyaların tətbiqi ilə əlaqədar idi.

  Hazırda iki ölkə arasında Tehran-Milan üzrə birbaşa reyslər fəaliyyət göstərir.

  Uçuşların bərpası ilə bağlı razılıq İranın digər aviaşirkətinə - “Mahan Air”ə şamil olunmayıb.