Yunanıstanda erkən seçkilərin tarixi

Yunanıstanın hökumət sözçüsü Dimitris Canakopoulos erkən seçkilərin 7 iyulda keçirilməsinin planlaşdırıldığını söylədi.

“Alpha TV”-yə açıqlama verən Canakopoulos “ Baş nazirin qərarı erkən seçkinin 7 iyulda keçirilməsidir. Bu qərarın səbəbi tamamilə universitetə qəbul imtahanlarında axsaqlıq olmasına mane olmaqdır” dedi.

Canakopoulos baş nazir Aleksis Çiprasın 10 iyunda prezident Prokopis Pavlopoulos ilə görüş keçirəcəyini də bildirib.

Qeyd edək ki, Çipras Avropa Parlamentinə seçkilərdə partiyasının an müxalifətdəki Yeni Demokratiya partiyasının qarşısında 9 faiz gəridə qalmasından sonra erkən seçki qərarını almışdı.