Mәhәmmәd Cavad Zәrif: ‘‘ABŞ çox tәhlükәli oyun oynayır’’

İranın xarici işlər naziri Məhəmməd Cavad Zərif bildirib ki, Fars körfәzindә hәrbi qüvvәlәrinin sayını artıran Amerika Birlәşmiş Ştatları bölgәdә problemlәrin yaşanmasına sәbәb ola bilәr.

CNN televiziya kanalına müsahibә verәn Mәhәmmәd Cavad Zәrif  deyib: "ABŞ çox təhlükəli oyun oynayır."

İranın xarici işlәr naziri  ABŞ-ı  sözügedən əraziyə aviadaşıyıcı və bombardmançılar göndərdiyinə görə sərt tənqid edib.

‘‘Belә kiçik әraziyә çox sayda hәrbi qüvvәnin göndәrilmәsi qәzalara sәbәb ola bilәr’’ deyәn İranın XİN rәhbәri ABŞ-da  bu növ qәzaların yaşanmasını istәyәn insanların olduğunu vurğulayıb.

ABŞ prezidenti Donald Trampın ölkәsinin nüvә sazişindәn çıxmasından sonra İranla yeni müqavilә üçün danışıqlara hazır olduğu ilә bağlı açıqlamasını qiymәtlәndirәn Cavad Zәrif qeyd edib ki, biz verdiyi vәdlәri yerinә yetirmәyәn insanlarla danışıq aparmaq istәmirik. ABŞ hәdәlәrlә nәticә әldә edә bilmәz. Müzakirәlәr hәdәlәrlә deyil,  qarşılıqlı hörmәtlә baş tutar.

Qeyd edәk ki, Donald Tramp şәxsi ‘’Twitter’’ sәhifәsindәn verdiyi açıqlamada bildirib ki, İran müharibә istәyirsә bu İranın  sonu olacaq. ABŞ-ı heçbir zaman hәdәlәmә.

Amerika Birlәşmiş Ştatları prezidenti keçәn hәftә jurnalistlәrә verdiyi açıqlamada İranla danışıqlara hazır olduğunu deyib.

Trampın bu  açıqlamasına münasibәt bildirәn İranın dini lideri Ayәtullah Xamıneyi dә ABŞ-ın hazırki rәhbәrliyi ilә danışıqların mümkün olmadığını qeyd edib.

Donald Tramp isә bu açıqlamadan sonra  bildirib ki, әgər onlar zəng etsə, onda biz, əlbəttə ki, danışıqlara başlayarıq. Qərarı onlar verməlidir. O zamanadәk İranın iqtisadiyyatı çökmәyә davam edәcәk.