Antonio Quterreş Kıbrısla bağlı hesabatı BMT Tәhlükәsizlik Şurasına tәqdim edәcәk

BMT-nin  Baş katibi Antonio Quterreşin Kıbrıs probleminin üzrә müvәqqәti  xüsusi müşaviri Jan Lute (Jane Lute) müzakirәlәr apararaq  hesabat hazırlayıb. Antonio Quterreş Jan Lutenin hazırladığı hesabatı  15-dә BMT Tәhlükәsizlik Şurasına tәqdim edәcәk.

Birləşmiş Millətlər Təşkilatının Baş katibinin sözçüsü Stefan Dujarik (Stephane Dujarric) hesabatla bağlı verdiyi açıqlamada Lutenin Kıbrıs mәsәlәsi ilә bağlı bütün tәrәflәrlә  görüşlәr keçirdiyini  vә Baş katib Antonio Quterreşә  baş tutan müzakirәlәr ilә bağlı mәlumat verdiyini deyib.

Stefan Dujarik BMT Baş katibi Antonio Quterreşin hesabat ilә bağlı BMT Tәhlükәsizlik Şurasına da mәlumat verәcәyini ifadә edib.

Kıbrısla bağlı hesabat oktyabrın 15-dә BMT Tәhlükәsizlik Şurasına A. Quterreş tәrәfindәn tәqdim olunacaq. Mәlumata görә, hesabat oktyabrın 30-da müzakirәyә çıxarılacaq.

Digәr tәrәfdәn Şimali Kıbrıs Türk Respublikasının prezidenti Mustafa Akıncı  Kıbrıs hesabatı açıqlandıqdan sonra  Kıbrıs Yunan icmasının lideri Nikos Anastasiadislә görüşün mümkün olduğunu qeyd etmişdi. Mustafa Akıncı görüşün yaxın zamanda keçirilmәsini arzu etdiklәrini vurğulamışdı.