Fələstin İsraili Haaqa məhkəməsinə verdi

Fələstin ölkədəki situasiya ilə bağlı araşdırmaya başlaması üçün Beynəlxalq Cinayət Məhkəməsinə müraciət etdi.

Bu barədə Haaqada mətbuat konfransında çıxışında Fələstinin xarici işlər naziri Riyad əl Maliki məlumat verdi.

Maliki prokurorda dərhal araşdırmaya başlaması üçün kifayət qədər mübahisəsiz sübutların olduğunu bildirdi.

Nazir  araşdırmanın 2014-cü ildən indiki zamana qədərki situasiyaları əhatə edəcəyini qeyd etdi. Əsas diqqət isə Fələstin torpaqlarında İsrail qəsəbələrinin tikintisinə ayrılacaq.