Rusiya və İran rəsmiləri iki ölke arasındakı siyasi ve herbi münasibetlerden danışıblar

Rusiya prezidenti Vladimir Putinin xüsusi nümayəndəsi Alexander Lavrentievin İranın Ali Milli Təhlükəsizlik Şurasının baş katibi Əli Şəmxani ilə Tehranda görüşü olub.

İranın Ali Milli Təhlükəsizlik Şurasının məlumatına əsasən, Lavrentiev və Şəmxani görüşdə Suriya məsələsi ilə yanaşı iki ölkə arasındakı siyasi və hərbi münasibətlərdən danışıblar.

Görüşdə İran, Suriya və Rusiya arasındakı fəal əməkdaşlığa diqqət çəkilib və Qazaxıstanın paytaxtı Astanada keçirilən Suriya mövzulu müzakirələrin atəşkəs qərarına olan təsirinə toxunulub.

Qəyd edək ki, İran, Rusiya və Suriya müdafiə nazirləri Suriyadakı prosesi müzakirə etmək üçün aprelin 26-da Moskvada görüş keçirmişdi.