İraqda 43 nəfər səhvən öldürülüb

Avia hücumlar nəticəsində həyatını itirənlərin arasında uşaq, qadın və yaşlılar da var.

Təcili Müdaxilə Birləşmələr tərkibində vəzifə icra edən Kapitan Əhməd əl-Hazraci, Anadolu Agentliyi (AA) müxbirinə verdiyi açıqlamada, 43 nəfər dinç sakinin ölümü ilə nəticələnən hücumların koalisiya qüvvələri tərəfindən həyata keçirildiyini bildirib.

Hazraci, Mosulun qərb ərazilərini terror təşkilatı DEAŞ-dan təmizləmək məqsədiylə qurudan və havadan həyata keçirilən əməliyyatlarda dinç sakinləin səhvən vurulduğunu ifadə edərək: “ Bu hadisələrin qarşısını ala bilmək üçün Mosulun terror təşkilatı DEAŞ-dan xilas edilməsi əməliyyatında iştirak edən komandirlərin qatılacağı təhlükəsizlik konfransı təşkil ediləcək. Tədbirdə təşkilata qarşı mübarizə yolları və dinç sakinlərin müdafiəsinə dair mövzular müzakirə ediləcək”.