İraqda DEAŞ-ın yüksək səviyyəli komandirlərindən biri öldürüldü

İraqın Əl-Anbar vilayətində beynəlxalq koalisiya qüvvələri tərəfindən aparılan hava əməliyyatında  terror təşkilatı DEAŞ-ın yüksək səviyyəli komandirlərindən biri öldürüldü.
 
 İraq ordusunun polkovniki Vəlid əd-Duleymi koalisiya təyyarələrinin Əl-Anbarın Əl-Kaim səmtində DEAŞ-a aid bir maşını hədəf aldığını söylədi.
 
 Duleymi hücum nəticəsində avtomobildəki DEAŞ-ın liderlərindən Məhəmməd Qassa Əbdüləziz əl-Hayyaninin də aralarında olduğu terroristlərin öldüyünü bildirdi.
 
 Əl-Kaim səmti 2014-cü ildən etibarən DEAŞ-ın nəzarətindədir.