Hələbdə bombardman nəticəsində 8 nəfər həyatını itirib

Suriya ordusunun Hələb şəhərindəki yaşayış massivlərinə təşkil etdiyi hava hücumunda 8 mülki vətəndaş həyatını itirib.

 Mülki müdafiə rəsmilərindən verilən məlumata görə, bombardman nəticəsində çox sayda adam da yaralanıb. Dağıntılar altında qalan insanlar ağır texnika vasitəsilə çıxarılmağa çalışılır.

Suriya ordusunun döyüş təyyarələri Hələbdə müxaliflərin nəzarətində olan ərazilərdəki bazar, xəstəxana və məktəbləri də bombardman edir. Bu səbəbdən bütün komminikasiya sistemi də sıradan çıxıb. Əhali generatorlardan elektrik energisi alır. Suya olan təlabat isə quyular vasitəsilə ödənilir.