Vətən müharibəsində şəhid olmuş hərbi qulluqçuların yenilənmiş siyahısı dərc olunub

Azərbaycan Müdafiə Nazirliyi 14 iyunda Vətən müharibəsində şəhid olmuş hərbi qulluqçuların yenilənmiş siyahısını dərc edib.

Nazirliyin məlumatında siyahıda Azərbaycan Respublikası Silahlı Qüvvələrinin Vətən müharibəsində şəhid olmuş hərbi qulluqçularından iyunun 14-dək dəfn edilən 2904 nəfərin, eləcə də itkin düşmüş hesab olunan 10 nəfərin fotoşəkilləri, adları, soyadları, hərbi rütbələri və doğum tarixi haqqında məlumat təqdim olunur.

Məlumatda itkin düşmüş hesab olunan hərbi qulluqçuların tapılması və identifikasiyası üzrə işlərin davam etdiyi bildirilib.