Abdulaziz Kamilov XQXQ mintaqaviy vakolatxonasi rahbari bilan uchrashdi
Jan-Jerom Kasabyanka-Xalqaro qizil xoch qo’mitasining (XQXQ) Markaziy Osiyodagi Mintaqaviy vakolatxonasi yangi rahbaridir.
678152
2017-yilning 22-fevral kuni O’zbekiston Respublikasi Tashqi ishlar vaziri Abdulaziz Kamilov Xalqaro qizil xoch qo’mitasining (XQXQ) Markaziy Osiyodagi Mintaqaviy vakolatxonasi yangi rahbari Jan-Jerom Kasabyankani qabul qildi.
Bu haqida ma’lumot tarqatgan O’zbekiston Respublikasi Tashqi ishlar vazirligi Matbuot xizmatiga ko’ra J.J.Kasabyanka Vazirga XQXQ Prezidenti Peter Maurer imzolagan tayinlov to’g’risidagi maktubni topshirgan.
Suhbat davomida 2017-yilda 25-yil to’ladigan O’zbekiston va XQXQ o’rtasidagi hamkorlikning hozirgi holati va rivojlantirish istiqbollari ko’rib chiqilgan.
Shuningdek uchrashuv chog’ida o'zaro kelishilgan loyihalarni muvaffaqiyatli amalga oshirishdan ikki tomon ham manfaatdor ekanligi ta’kidlangan.
