Afg'oniston hukumati vakillari O'zbekistonga tashrif buyurdi
Afg'oniston prezidentining iqtisodiy masalalar bo'yicha katta maslahatchisi Humoyun Qayumiy va prezidentning Markaziy Osiyo davlatlari hamda Rossiya bilan hamkorlikni rivojlantirish bo'yicha maxsus vakili Muhammad Shokir Korgar O'zbekistonda bo'ldi.
Shu yilning 27 oktabr kuni O'zbekiston Respublikasi tashqi ishlar vaziri Abdulaziz Komilov Afg'oniston Respublikasi prezidentining iqtisodiy masalalar bo'yicha katta maslahatchisi Humoyun Qayumiy va prezidentning Markaziy Osiyo davlatlari hamda Rossiya bilan hamkorlikni rivojlantirish bo'yicha maxsus vakili Muhammad Shokir Korgarni qabul qildi.
Vazirlik matbuot xizmati xabar berishicha, Afg'oniston delegatsiyasi O'zbekistonga ikki tomonlama uchrashuv va muzokaralar, shuningdek, Toshkentda bo'lib o'tayotgan 10-xalqaro sanoat yarmarkasi va kooperatsiya birjasida ishtirok etish uchun kelgan.
Suhbat chog'ida o'zbek-afg'on aloqalarini mustahkamlash va kengaytirish holati hamda istiqbollari, oliy va yuqori darajadagi ikki tomonlama uchrashuvlar doirasida erishilgan kelishuvlarning amalga oshirilishi muhokama qilindi.
Uchrashuvda Afg'onistonning O'zbekistondagi elchisi Sayyod Shahobiddin Temuriy ham ishtirok etdi.
Aloqador xabarlar
Mirziyoyev bilan Putin O‘zbekiston - Rossiya munosabatlarini ko‘rib chiqdi
Shavkat Mirziyoyev bilan Vladimir Putin, telefon orqali muloqot qildi.
Aliyev bilan Raisiy Qiz qal’asi va Xudofarin toʻgʻonlarini ochib berdi
Aliyev bilan Raisiy, Ozarbayjon - Eron chegarasida uchrashdi.