Bugun Nazaboyev Samarqandga borib, Karimov bilan xayrlashib qaytdi

Qozog’iston Respublikasi Prezidenti Nursulton Nazarboyev bugun O’zbekistonning tung’ich Prezidenti marhum Islom Karimov xotirasiga hurmat bajo keltirish uchun Samarqandga borib qaytgan.

Rasmiy ma’lumotlarga ko’ra Nursulton Nazarboyev Islom Karimov bilan uzoq yillardan buyon qadrdon do’st bo’lgani, bir-birini tushungani va qo’llab-quvvatlagani haqida gapirgan.

“Men O’zbekistonning yangi avlodlarining Islom Karimovni har doim yod etishiga ishonaman. Uning mo’l merosi, davlat xizmatidagi natijalarini avlodlari o’rganib, yuritgan faoliyatlarini o’zbek xalqi tarixida oltin harflar bilan yozib qoldiradi. U, butun dunyo tanigan ulug’ davlat arbobi edi. Davlat iqtisodiyotining shakllanishi va rivojlanishi, xalq farovonligining ortishi uning nomi bilan bog’liq,-degan Qozog’iston Prezidenti.

Shuningdek Nursulton Nazarboyev qardosh xalqlar o’rtasidagi tarixiy va strategik sheriklikni mustahkamlash yo’lidagi O’zbekistonning Birinchi Prezidenti Islom Karimovning bebaho roliga to’xtalgan.

“Qozoq va o’zbek xalqi har doim bir-biri bilan yaqin do’st bo’ldi. Islom Abdug’aniyevich Karimov ikkalamiz 1998-yili Hoja Ahmat Yassaviy maqbarasi oldida mangu do’stlik haqidagi shartnomaga qo’l qo’ydik. Bizning hamkorligimiz har doim ana shu shartnomaga asoslandi. Qozog’iston har doim o’zbek xalqi bilan qo'shni bo'lib kelgan, qo'shni bo'lib kelmoqda va bundan buyon ham qo'shni bo'lib qolaveradi. Biz siz bilan yaxshi kunlarda ham, yomon kunlarda ham birgamiz”-degan Davlat rahbari.

Shuningdek Nursulton Nazarboyev Islom Karimovning oilasi bilan uchrashib shaxsi va Qozog’iston xalqi nomidan ularga hamdardlik bildirgan.

Ortidan Forumlar majmuasida uchrashuv o’tkazgan Nursulton Nazarboyev bilan O'zbekiston Respublikasi Prezidenti vazifasini bajaruvchi Shavkat Mirziyoyev uchrashuvda O'zbekiston va Qozog'iston o'rtasida turli sohalardagi hamkorlikni yana da rivojlantirishga oid masalalar to’g’risida fikr almashgan.