Türkevi (Turk uyi) hujumchisi Rejep Akbiyik shartli ravishda ozod etildi

Amerika Qoʻshma Shtatlarida Turkiyaning Birlashgan Millatlar Tashkiloti doimiy vakolatxonasi bilan Nyu-York Bosh konsulxonasi joylashgan Türkevi (Turk uyi)ga qarshi 22-may kuni temir lom orqali hujum uyushtirgan ayblanuvchi Rejep Akbiyik shartli ravishda ozod etildi.

Voqea sodir etilganidan keyin toʻrt kun oʻtib, 26-may kuni hibsga olingan Akbiyik bugun Nyu-York Jinoiy sudida sudya huzuriga olib chiqildi.

Tarjimon orqali “Qaroqchilikka urinish, terrorchilik jinoyati va jinoyat uchun qurol saqlash, terror xavfi yaratish, jinoiy zarar yetkazish va tahdid qilish” kabi ayblovlar yuziga o‘qib berilgan ayblanuvchi Akbiyik uchun shartli hukm chiqarildi.

Sudya Akbiyikning Türkevi (Turk uyi) va uning yaqinlariga har qanday tarzda yaqinlashishni taqiqladi.

Sud tomonidan navbatdagi majlis 25-iyulga belgilandi.

Akbiyik suddan so‘ng, huquq-tartibot xodimlari nazoratida ruhiy holati tekshiruvi uchun Nyu-Yorkdagi Bellevue kasalxonasining Psixiatriya va nevrologik kasalliklar bo‘limiga olib borildi.