«تۈركىيە كىتاب ۋە كۈلتۈر يەرمەنكىسى» سىلەرنى كۈتمەكتە

تۈركىيە ئاۋازى رادىيوسى خەۋىرى: تۈركىيە دىنىي ئىشلار فوندى جەمئىيىتى تەرىپىدىن بۇ يىل 38 – نۆۋەتلىكى ئۆتكۈزۈلىدىغان «تۈركىيە كىتاب ۋە كۈلتۈر يەرمەنكىسى» ئۈچۈن سۇلتان ئەھمەت مەيدانىدا تەييارلىقلار تاماملاندى. 

يەرمەنكە ئەتە (15 - ماي) سۇلتان ئەھمەت مەيدانىدا ئېچىلىدۇ. 

ھەر يىلى پايتەخت ئەنقەردىمۇ ئۆتكۈزۈلىۋاتقان يەرمەنكىنىڭ بۇ يىل ئىستانبۇلدىكى ئىككىنچى ئورنى، بۈيۈك چاملىجا جامەسى بولىدۇ.

1981 – يىلىدىن ئېتىبارەن جەمئىي 28 يىل بويۇنچە سۇلتان ئەھمەت مەيدانىدا ئۆتكۈزۈلۈپ كەلگەن «تۈركىيە كىتاب ۋە كۈلتۈر يەرمەنكىسى» گە تەخمىنەن 250 نەشرىيات ئورگىنى قاتنىشىدۇ.

يەرمەنكە 31 - مايغىچە داۋاملىشىدىغان بولۇپ، كۈنىگە تەخمىنەن 10 مىڭ كىشىنىڭ زىيارەت قىلىشى مۆلچەرلەنمەكتە.