bélgiyede halal shekilde mal boghuzlashning meniy qilinishi qattiq naraziliq qozghidi
bélgiyemu halal boghuzlash sheklini menii qilghan döletler tizimlikidin orun aldi.
türkiye awazi radiyosi xewiri: bélgiyening flaman rayonida halal shekilde mal boghuzlashni meni qilish qanunining yil béshidin tartip ijra qilinishqa bashlanghanliqi, musulmanlar bilen yehudiylarning qattiq naraziliqini qozghidi.
bélgiye nopusining texminen %6 ini teshkil qilidighan musulmanlar bilen yehudiylar haywanlarni tok bermestin yaki uxlatmastin boghuzlashni meni qilghan qararning, ikki xelqning diniy erkinliklirige cheklime peyda qilghanliqini we bu ikki xelqqe qilinghan hörmetsizlik bolidighanliqini tekitlimekte.
musulmanlar «halal», yehudiylar«kosher» dep ataydighan mal boghuzlash sheklige asaslanghanda, boghuzlashtin ilgiri haywanning salametliki we hushining jayida bolushi shert. boghuzlashtin ilgiri hawanlargha tok bérish bolsa, buninggha tamamen zit. musulmanlarning halal we yehudiylarning kosher mehsulatlargha érishishige tosalghu peyda qilidu.
asasen dégüdek, ashqun ongchi we haywanlarning heq– hoquqini qoghdighuchilardin teshkil tapqan bu cheklimini qollighuchilar bolsa, tok bermey turup yaki uxlatmastin boghuzlanghan haywanning azab chékidighanliqini, heq– hoquqlrining depsende qilinidighanliqini ilgiri sürüshmekte.
halal boghuzlash sheklini meni qilghan döletler tizimlikidin orun alghan bélgiyening flaman rayonluq parlaménti teripidin maqullanghan mezkur qararning, bélgiyening walonya rayonidimu 1 - séntebirde resmiy ijra qilinishqa bashlishi mölcherlenmekte.
