misirda musulman qérindashlar teshkilati yéngi qedemlerni tashlidi

türkiye awazi radiyosi xewiri: rabiye we nehda meydanliridiki namayishlarning basturulishining 5 – xatire yili munasiwiti bilen musulman qérindashlar teshkilati teripidin élan qilinghan yazma bayanatta, «memliketlik diyalog chaqiriqi» namliq 10 maddiliq bir heriket pilani xelq ammisi bilen hembehirlishildi.

bu heriket pilanining misirni qarangghu tonéldin yoruqluqqa chiqirishni meqset qilghanliqi bildürüldi.

pilanning eng muhim maddiliri arisida, musulman qérindashlar teshkilatining memliketlik bir teshkilat süpitide qobul qilinishi, özgirishler üchün tinchliqperwer hakimiyet éngining özleshtürülishi, xelqni qanunluq salahiyetning birdin bir menbesi dep qobul qilish, qutublishishqa qarshi turush, qurban bolghuchilarning heq – hoquqlirining hazirmu inawetke ige ikenlikining tekitlesh, aghduriwétilgen pirézidént muhemmed mursining memliketlik guruppilar testiqlaydighan bir birleshme hökümetning béshigha kélishi we héch bir guruppa chetke qéqilmaydighan, ochuq – yoruq saylam ötküzülishi... qatarliqlar orun aldi.

bayanatta yene, memliketning birliki we ittipaqliqi üchün hemmini öz ichige alidighan bir memliketlik diyalog berpa qilish kérekliki heqqide chaqiriq élan qilindi.

musulman qérindashlar teshkilatining bu tirishchanliqigha dair misir mehkimiliri teripidin héchqandaq bayanat élan qilinmidi.

miisirning tunji qétim xelq teripidin saylanghan birdin bir pirézidénti muhemmed mursi 2013 – yilida herbiy – siyasiy özgirish arqiliq aghduruwétilgendin buyan chet ellik we memliketlik mesullarning memlikette yüz bergen siyasiy kirizisning axirilishishi üchün körsetken tirishchanliqliri héchqandaq netije bermigen idi.

misir amanliqni saqlash qisimliri 2013 – yili 14 – awghust künide, démokratiyeni qollighuchlar teripidin liq toldurulghan rabiye we nehda meydanlirigha qoralliq mudaxile qilghan idi.

bu mudaxilide yüzligen kishi hayatidin ayrilip, mingilghan kishi yaridar bolghan idi.