ئىراق مىنىستىرلىرى بۈگۈن تۈركىيەدە زىيارەتتە بولىدۇ

تۈركىيە ئاۋازى رادىيوسى خەۋىرى: تۈركىيە تاشقى ئىشلار مىنىستىرلىقىنىڭ يازما باياناتىدا، «ئىراق جۇمھۇرىيىتىنىڭ مۇئاۋىن باش مىنىستىرى ۋە تاشقى ئىشلار مىنىستىرى فۇئاد ھۈسەيىن، ئىراق دۆلەت مۇداپىئە مىنىستىرى سابىت ئەل ئابباسى ۋە باشقا يۇقىرى دەرىجىلىك ئەمەلدارلاردىن تەركىب تاپقان ۋەكىللەر ئۆمىكى بۈگۈن دۆلىتىمىزدە زىيارەتتە بولىدۇ. زىيارەت دائىرىسىدە، ئۆزئارا مۇناسىۋەتلىرىمىزنىڭ ھەر قايسى تەرەپلىرى تەپسىلىي مۇزاكىرە قىلىنىپ، نۆۋەتتىكى رايون خاراكتېرلىك مەسىلەرنىڭ كۆزدىن كەچۈرۈلىشى مۆلچەرلەنمەكتە» دېيىلدى.