مۇئاۋىن جۇمھۇر رەئىس جەۋدەت يىلماز بىلەن فاھرەتتىن ئالتۇنمۇ ئىرانغا تەزىيە بىلدۈردى

تۈركىيە ئاۋازى رادىيوسى خەۋىرى: مۇئاۋىن جۇمھۇر رەئىس جەۋدەت يىلماز ئىجتىمائىي ئالاقە ئادرېسىدا ئىران ئۈچۈن ئېلان قىلغان تەزىيەنامىسىدا: «تىك ئۇچار چۈشۈپ كېتىش ۋەقەسىدە قازا قىلغان ئىران پىرېزىدېنتى ئىبراھىم رەئىسى، ئىران تاشقى ئىشلار مىنىستىرى ھۈسەيىن ئەمىر ئابدۇللاھىيان ۋە ئۇلارنىڭ ھەمراھلىقىدىكى كىشىلەرگە ئاللاھتىن رەھمەت تىلەيمىز، ئۇلارنىڭ ئائىلە-تاۋابىئاتلىرىغا، دوست ۋە قېرىنداش ئىران خەلقىگە، شۇنداقلا دۆلىتىگە تەزىيە بىلدۈرىمىز.  ماكانلىرى جەننەت بولسۇن»  دېدى.

جۇمھۇر رەئىسلىك مەھكىمىسى ئۇچۇر-ئالاقە ئىدارىسى باشلىقى فاھرەتتىن ئالتۇنمۇ ھەمبەھرلىگەن ئۇچۇرىدا، ئىبراھىم رەئىسى ۋە ھۈسەيىن ئەمىر ئابدۇللاھىيان باشچىلىقىدىكى ھەيئەتنىڭ تىك ئۇچار چۈشۈپ كېتىش ۋەقەسىدە قازا قىلغانلىقى مۇناسىۋىتى بىلەن ئۇلارنىڭ ئائىلە-تاۋابىئاتلىرىغا، دوست ۋە قېرىنداش ئىران خەلقىگە تەزىيە بىلدۈردى.