جۇمھۇر رەئىس ئەردوغان لىبېرىيە پىرېزىدېنتى ۋېئاھ بىلەن تېلېفونلاشتى
جۇمھۇر رەئىس رەجەپ تاييىپ ئەردوغان لىبېرىيە پىرېزىدېنتى جورج ماننېھ ۋىئاھ بىلەن تېلېفونلاشتى.
2014647
تۈركىيە ئاۋازى رادىيوسى خەۋىرى: تۈركىيە جۇمھۇرىيىتى جۇمھۇر رەئىسلىك مەھكىمىسى ئۇچۇر – ئالاقە ئىشلىرى ئىدارىسىنىڭ بىلدۈرۈشىچە، جۇمھۇر رەئىس ئەردوغان لىبېرىيە پىرېزىدېنتى ۋىئاھ بىلەن تېلېفونلىشىپ، تۈركىيە - لىبېرىيە ئىككى تەرەپ مۇناسىۋىتى شۇنداقلا ئىقتىساد ۋە ھەربىي ساھەدىكى نۆۋەتتىكى ھەمكارلىقلارنى مۇزاكىرە قىلىنغان.
جۇمھۇر رەئىس ئەردوغان تېلېفون سۆھبىتى جەريانىدا، پىرېزىدېنت ۋىئاھنىڭ لىبېرىيەدىكى فەتھۇللاھچى تېررورلۇق تەشكىلاتى قارمىقىدىكى «LIGHT خەلقئارا مەكتىپى»نىڭ پائالىيەتلىرىنى توختىتىش قارارىدىن مەمنۇن بولغانلىقىنى بىلدۈرگەن.
