خاقان فىدان ئانتونىي بلىنكېن بىلەن كۆرۈشتى
دۆلىتىمىز (تۈركىيە) تاشقى ئىشلار مىنىستىرى خاقان فىدان 2023 – يىللىق ئۇكرائىنا ۋەزىيىتىنى ياخشىلاش يىغىنىغا ئىشتىراك قىلىش ئۈچۈن بارغان ئەنگلىيەنىڭ پايتەختى لوندوندا ئامېرىكا قوشما ئىشتاتلىرى تاشقى ئىشلار مىنىستىرى ئانتونى بلىنكېن بىلەن كۆرۈشتى.
تۈركىيە ئاۋازى رادىيوسى خەۋىرى: تۈركىيە جۇمھۇرىيىتى تاشقى ئىشلار مىنىستىرلىقى بايانات ئېلان قىلىپ، خاقان فىدان بىلەن ئانتونى بلىنكېننىڭ كۆرۈشۈپ، ئۇكرائىنا ۋەزىيىتى، تۈركىيەنىڭ تىرىشچانلىقى سايىسىدا ھاسىل قىلىنغان ئىستانبۇل ئاشلىق كېلىشىمى، شىمالىي ئاتلانتىك ئەھدى تەشكىلاتى — ناتونىڭ كېڭەيتىلىشى، جەنۇبىي كاۋكاز ۋەزىيىتى رامكىسىدا ئەزەربەيجان – ئەرمېنىيە مۇناسىۋەتلىرىنىڭ نورماللىشىشى ۋە تۈركىيە – ئامېرىكا مۇناسىۋەتلىرى توغرىسىدا سۆزلەشكەنلىكىنى ئۇقتۇردى.
مىنىستىر فىدان يەنە دانىيە تاشقى ئىشلار مىنىستىرى لارس لككې راسمۇسسېن، ئىتالىيە تاشقى ئىشلار مىنىستىرى ئانتونىيو تاجانى، گېرمانىيە تاشقى ئىشلار مىنىستىرى ئاننالىنا بايېربوك ۋە ئاۋستىرىيە تاشقى ئىشلار مىنىستىرى ئالېكساندېر شاللېنبېرگ قاتارلىقلار بىلەن كۆرۈشتى.
مۇناسىۋەتلىك خەۋەرلەر
ئىراقنىڭ شىمالىدا تېررورچىلارغا زەربە بېرىلدى
ئىراقنىڭ شىمالىدا بۆلگۈنچى تېررورلۇق تەشكىلاتى — پ ك ك ئەزاسى ئۈچ تېررورچى بىر تەرەپ قىلىندى.