bash elchi ozan jeyhun awstiriye dairilirige naraziliq bildürdi

türkiye awazi radyosi xewiri: türkiyening wiyénnada turushluq bash elchisi ozan jeyhun bölgünchi térrorluq teshkilati p k k qollighuchilirining awstriyening paytexti wiyénnada, yawropa bixeterlik we hemkarliq teshkilati isxanisi jaylashqan binaning sirtqi témigha jumhur reis rejep tayyip erdoghanni hujum nishani qilghan ighwagerchilik resimlirini ekis ettürgenliklirige naraziliq  bildürdi.

ozan jeyhun bayanatida, «wiyénnadiki xofburg sariyiining témidin paydilinip, türkiyediki saylamlarning tinchliq ichide dawamlishiwatqan musapisigha buzghunchiliq qilish meqsitide élip bérilghan heriketliri sewebidin awstiriye dairilirigha qarita kéreklik inkaslarni qayturduq» dédi.

ozan jeyhun awstriye dairilirining démokratik saylamgha arilishishni meqset qilghan bu xil heriketlerni qilghanlargha qarita kéreklik tedbirlerni alidighanliqigha, söhbetdashlirining bundaq heriketlerning tekrarlinishigha yol qoymaydighanliqigha ishinidighanliqini éytti.