qurtulmush iran parlamént bashliqigha teziye bildürdi
türkiye büyük millet mejlisi (parlaménti) reisi numan qurtulmush türkiye büyük milliy mejlisi we türkiye xelqige wakaliten iran parlamént bashliqi muhemmed baqir kalibafqa teziye bildürdi.
![qurtulmush iran parlamént bashliqigha teziye bildürdi](http://cdn.trt.net.tr/images/xlarge/rectangle/9965/a61b/1113/664c75cc459f7.jpg?time=1718384112)
türkiye awazi radiyosi xewiri: türkiye büyük milliy mejlisi bashqarmisi teripidin bu heqte élan qilinghan bayanatqa qarighanda, qazaqistanning türkistan shehiride dölet ishliri ziyaritide boluwatqan qurtulmush, bu yerde iran parlamént bashliqi muhemmed baqir kalibafqa téléfon qilghan.
téléfon söhbitide, qurtulmush aldinqi küni tik uchar ayropilan chüshüp kétish weqeside hayatidin ayrilghan iran pirézidénti ibrahim reisi, tashqi ishlar ministiri hüseyin emir abdullahyan we bashqa iran dairiliri üchün kalibafqa teziye bildürgen.
qurtulmush iran pirézidénti ibrahim reisi, tashqi ishlar ministiri hüseyin emir abdullahyan we bashqa iran dairilining qaza qilghanliqidin qazaqistanda her xil ziyaretlerde boluwatqanda tolimu epsuslanghan halda xewer tapqanliqini tekitlep mundaq dégen:
«türkiye büyük milliy mejlisi we xelqimizge wakaliten dostane we qérindash dölet iran xelqidin semimiy hal soraymen, ulargha sewr-taqet tileymen. qaza qilghanlarning aile-tawabiatlirigha teziye bildürimen.»