چەت ئەللەردىكى سايلىغۇچىلار بېلەت تاشلاشنى داۋاملاشتۇرماقتا

تۈركىيە ئاۋازى رادىيوسى خەۋىرى: تۈركىيەدە 28 – ماي ئۆتكۈزۈلىدىغان جۇمھۇر رەئىسلىك سايلىمىنىڭ ئىككى ئايلانمىسى دائىرىسىدە تۈركىيەنىڭ چەت ئەللەردىكى دىپلوماتىك ئورۇنلىرى ۋە تاموژنىلاردىكى سايلام ساندۇقلىرىغا بېلەت تاشلىغۇچىلار سانى 1 مىليون 150 مىڭدىن ئېشىپ كەتتى.

تۈركىيە جۇمھۇرىيىتى ئالىي سايلام ئورگىنىدىن ئىگىلىنىشىچە، چەت ئەللەردىكى سايلىغۇچىلار تىزىملىكىگە ئۆزىنى مەلۇم قىلغان سايلىغۇچىلاردىن ئەلچىخانا – كونسۇلخانا ۋە تاموژلاردا بېلەت تاشلىغانلار ئومۇمىي سانى ئۈچىنچى كۈنى ئەتىگەن تۈركىيە ۋاقتى سائەت 10:30 غىچە 1 مىليون 153 مىڭ 842 گە يەتكەن.

چەت ئەللەردىكى ئەلچىخانا – كونسۇلخانىلاردا 24 – ماي، تاموژنىلاردا 28 – ماي سائەت 17:00 گىچە داۋاملىشىدۇ.