ئىراقنىڭ شىمالىدا 4 تېررورچى بىر تەرەپ قىلىندى

تۈركىيە ئاۋازى رادىيوسى خەۋىرى: تۈركىيە جۇمھۇرىيىتى دۆلەت مۇداپىئە مىنىستىرلىقى تەرىپىدىن ئېلان قىلىنغان باياناتتا، ئىراقنىڭ شىمالىدىكى «پەنجە – قۇلۇپ» ھەربىي ھەرىكىتى رايونىدا ئېنىقلاپ چىقىلغان 4 تېررورچىنىڭ، تۈركىيە قىسىملىرى تەرىپىدىن بىر تەرەپ قىلىنغانلىقى، تېررورچىلارغا زەربە بېرىش ھەرىكەتلىرىنىڭ كەسكىن داۋاملىشىدىغانلىقى بىلدۈرۈلدى.

يەنە بىر تەرەپتىن،  بۆلگۈنچى تېررورلۇق تەشكىلاتى پ ك ك دىن قاچقان 3 تېررورچى، قايىل قىلىش خىزمەتلىرى نەتىجىسىدە دۆلەت خەۋپسىزلىك كۈچلىرىگە تەسلىم بولدى.

تۈركىيە جۇمھۇرىيىتى ئىچكى ئىشلار مىنىستىرلىقىنىڭ بىلدۈرۈشىچە، 2002 – ۋە 20221 – يىللىرى تېررورلۇق تەشكىلاتى پ ك ك نىڭ سېپىگە قېتىلىپ، ئىراقتا پائالىيەت ئېلىپ بارغانلىقى ئېنىقلاپ چىقىلغان، يېقىندا بۆلگۈنچى تېررورلۇق تەشكىلاتى پ ك ك دىن قاچقان 3 تېررورچى، قايىل قىلىش خىزمەتلىرى نەتىجىسىدە، دۆلەت خەۋپسىزلىك كۈچلىرىگە تەسلىم بولغان.

شۇنىڭ بىلەن، بۇ يىل كىرگەندىن بۇيان قايىل قىلىش خىزمەتلىرى نەتىجىسىدە دۆلەت خەۋپسىزلىك كۈچلىرىگە تەسلىم بولغان تېررورچىلارنىڭ سانى 68 گە يەتكەن.