ئەردوغان: سالۋادور پىرېزىدېنتىنىڭ تۈركىيە زىيارىتى ئىنتايىن مۇھىم

تۈركىيە ئاۋازى رادىيوسى خەۋىرى: جۇمھۇر رەئىس ئەردوغان، ئاممىۋى ئورتاقلىشىش تور بېتىدىكى سەھىپىسىدە، سالۋادور پىرېزىدېنتى نايىب بۇكېلېنىڭ تۈركىيە زىيارىتى ھەققىدە ئېلان قىلغان باياناتىدا، ئەتە تۈركىيەگە كېلىدىغان بۇكېلېغا «ئاق يول بولسۇن!» تىلەكلىرىنى بىلدۈرۈپ مۇنداق دېدى: «تۈركىيە بولۇش سۈپىتىمىز بىلەن سىلەرنى كۈتۈۋېلىش بىزگە نىسبەتەن زور شان – شەرەپتۇر. سالۋادور بىلەن بولغان مۇناسىۋەتلىرىمزنى كۈچەيتىشتە تۈرتكىلىك رول ئوينايدىغان زىيارىتىڭىز بىزگە نىسبەتەن ناھايىتى زور ئەھمىيەتكە ئىگە.»